ಪ್ರೌಢದೇವರಾಯ ಮಹಾವಿದ್ಯಾಲಯ, ಹೊಸಪೇಟೆ
ಜೂನ್ ೧೯, ಬುಧವಾರದಂದು
ಪಿಡಿಐಟಿಯಲ್ಲಿ ಪದವಿ ದಿನಾಚರಣೆ
ಪ್ರೌಢದೇವರಾಯ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಅಂತಿಮ ವರ್ಷದ ವಿದ್ಯಾರ್ಥಿಗಳಿಗಾಗಿ ’ಪದವಿ ದಿನಾಚರಣೆ’ (Graduation Day) ಸಮಾರಂಭವನ್ನು ದಿನಾಂಕ ೧೯.೦೬.೨೦೧೯ ಬುಧವಾರದಂದು ಮಧ್ಯಾಹ್ನ ೩ರಿಂದ ೫ ಗಂಟೆಯವರೆಗೆ ಕಾಲೇಜಿನ ಆರಣದಲ್ಲಿ ಅಯೋಜಿಸಲಾಗಿದೆ. ಈ ಸಮಾರಂಭದಲ್ಲಿ ಬಿ.ಇ. ಸ್ನಾತಕ ಪದವಿ ಹಾಗೂ M.Tech. ಎಂ.ಬಿ.ಎ. ಸ್ನಾತಕೋತ್ತರ ಪದವಿಗಳನ್ನು ಯಶಸ್ವಿಯಾಗಿ ಪೂರೈಸಿರುವ ಕಾಲೇಜಿನ ಅಂತಿಮ ವರ್ಷದ ವಿದ್ಯಾರ್ಥಿಗಳಿಗೆ ಪ್ರಮಾಣ ಪತ್ರ ನೀಡಿ ಗೌರವಿಸಲಾಗುವುದು.
ಪದವಿ ದಿನಾಚರಣೆ ಸಮಾರಂಭದ ಅಧ್ಯಕ್ಷತೆಯನ್ನು ವೀರಶೈವ ವಿದ್ಯಾವರ್ಧಕ ಸಂಘದ ಅಧ್ಯಕ್ಷರಾದ ಶ್ರೀ ಉಡೇದ ಬಸವರಾಜರವರು ವಹಿಸಲಿದ್ದಾರೆ. ಗೌರವಾನ್ವಿತ ಅತಿಥಿಗಳಾಗಿ ಶ್ರೀ ಎಚ್.ಎಂ.ವೀರಭದ್ರಶರ್ಮಾ ಉಪಾಧ್ಯಕ್ಷರು, ಶ್ರೀ ಟಿ.ಕೊಟ್ರಪ್ಪ ಕಾರ್ಯದರ್ಶಿಗಳು, ಶ್ರೀ ಕೆ.ವೀರೇಶ ಗೌಡ ಸಹಕಾರ್ಯದರ್ಶಿಗಳು, ಶ್ರೀ ಕೋಳೂರು ಮಲ್ಲಿಕಾರ್ಜುನಗೌಡ ಕೋಶಾಧಿಕಾರಿಗಳು ಭಾಗವಹಿಸಲಿದ್ದಾರೆ.
ಮಹಾವಿದ್ಯಾಲಯದ ಆಡಳಿತ ಮಂಡಳಿ ಅಧ್ಯಕ್ಷರಾದ ಶ್ರೀ ಜಾನೇಕುಂಟೆ ಬಸವರಾಜ ಹಾಗೂ ಆಡಳಿತ ಮಂಡಳಿಯ ಸದಸ್ಯರುಗಳಾದ ಶ್ರೀ ಏಕಾಮರೇಶ ಏ.ತಾಂಡೂರು ಮತ್ತು ಶ್ರೀ ಜೆ.ಎಸ್.ಸತೀಶ್‌ರವರ ಉಪಸ್ಥಿತಿಯಲ್ಲಿ ಜರುಗಲಿದ್ದು, ಈ ಕಾರ್ಯಕ್ರಮದಲ್ಲಿ ೩೫೦ಕ್ಕೂ ಹೆಚ್ಚು ಅಂತಿಮ ವರ್ಷದ ವಿದ್ಯಾರ್ಥಿಗಳು ಹಾಗೂ ಅವರ ಪೋಷಕರು ಪಾಲ್ಗೊಳ್ಳಲಿದ್ದಾರೆ ಎಂದು ಪ್ರಾಂಶುಪಾಲರಾದ ಡಾ.ಎಸ್.ಎಂ.ಶಶಿಧರ್ ರವರು ತಿಳಿಸಿರುತ್ತಾರೆ.